Esta tarde xogamos o partido pertencente á novena xornada de liga e que nos enfrontou ao equipo de CNP Mesón Vasco.
Para empezar o equipo da ACD formou con Gil, Rizo, Concheiro, Pablo Cao e Buji, no banco quedamos Perita e Penas. A primeira parte desenvolveuse de forma que ningún dos equipos demostrase unha superioridade sobre o contrario e con moi poucas ocasións de gol por ambas as partes. Pero o que so as cousas chegamos ao último minuto cun saque de banda ao noso favor a falta de 24 segundos e non só perdemos o balón en ataque senón que nos montan unha contra e marcan o 0-1 cando o árbitro xa se dispoñía a pitar o final da primeira parte. Un xerro de auga fría que non mostraba o ocorrido na pista, porqué a pesar de non facer un bo xogo creo que o equipo mereceu algo máis que o contrario e así o entendiamos todos no descanso.
Na continuación e cando aínda non se cumpriu o minuto e medio de xogo Rizo colle un balón na frontal e o seu disparo é lixeiramente desviado por un defensa entrando pegado ao pau, era o empate a 1 e o partido iniciábase novamente. Tras o empate o equipo de CNP Mesón Vasco tentou presionar a nosa saída de balón á altura da nosa linea defensiva e iso creo que foi o seu gran erro porque aos catro minutos, Pablo Cao aguantaba un balón de costas, ao bordo da nosa área, #ante a presión do contrario e con dous xiros logrou irse de dous xogadores plantándose #ante o porteiro para enviar un pase ao segundo pau, onde Buji só tivo que rematar a porta baleira. Isto non fixo máis que incrementar a presión do equipo contrario e cando aínda non se cumpriu o minuto dez, novamente Pablo Cao en xogada persoal lograba irse dun contrario e de tiro cruzado batía ao porteiro de Mesón Vasco, que xa non sabía como achicar espazos #ante as continuas chegadas do noso equipo en ataque. O marcador se amplo cun novo gol esta vez de Rizo nunha moi boa xogada individual cando o electrónico marcaba o minuto 12. Con este gol xa chegou a tranquilidade e aínda que os contrarios chegaban e disparaban desde a distancia non lograron achegarse con perigo á meta de Gil, salvo nun disparo afastado ao que respondeu despexando a saque de esquina e pouco máis, dado que nós xa tentamos contemporizar o xogo e xogar a favor de resultado sen comprometernos en demasía en defensa e lanzando algún contra-ataque con perigo, pero que o meta contrario puido sacar con acerto. Unha moi boa segunda parte, con gran remontada, que nos serve para cultivar unha nova vitoria e poder meternos entre os primeiros clasificados...
PARABÉN A TODOS...
