A falta de tres xornadas para a finalización de liga, o equipo da ACD Policía Local volvía gañar un novo encontro, está vez derrotando ao equipo de Mesón Vasco por 4-2, nun partido bastante igualado.
O equipo formou con Penas en portería, que volvía á actividade despois de 2 meses, Concheiro como peche, Dani Mouriño e Pablo Cao nas ás e Buji no pivote. No banco quedaron Perita e Iván Lestón.
Os primeiros minutos transcorreron sen moito perigo para ambas as porterías e sobre o minuto seis de partido Pablo Cao realizaba unha xogada individual pola banda esquerda cun bo remate, que tras o despegamento do entre o porteiro de Mesón vasco, o balón rebotaba no defensa e finalizaba en fondo da portería. Co gol o equipo contrario realizou un par de achegamentos a portería con bos remates que foron rexeitados polo meta. Ademais, a falta duns 3 minutos para finalizar a primeira parte outra xogada de Pablo Cao desde banda esquerda finalizou cunha boa asistencia para Perita e este remataba de forma espléndida cun disparo cruzado ao segundo pau, chegaba o 2-0 e con el o descanso.
Na segunda parte o equipo de Mesón Vasco deu un paso adiante e presionou a nosa saída de balón e así nunha perda chegou o seu gol ao gañar as costas á nosa defensa o seu atacante e rematar de volea ao primeiro pau, sen que me dese tempo a reaccionar. menos mal que pronto chegou o terceiro gol ao noso favor nun bo remate desde a frontal por parte de Dani Mouriño, ao romper o equipo a presión alta dos contrarios e poucos minutos despois novamente Pablo Cao colocaba o 4-1 no marcador ao transformar un libre directo que se coaba por toda a escuadra. Despois deste gol o equipo de Mesón Vasco pasou a xogar con porteiro xogador e a pesar deles non lograron acurtar distancias ata os minutos finais, que conseguiron marca nun potente tiro desde a frontal, ao que tarde en responder, a pesar da dureza do tiro creo que era parable, o importante é que non crearon moito máis perigo e o pouco que crearon resolveuse ben chegando ao final de partido cun 4-2 ao noso favor. PARABÉN polo triunfo e haber se recuperamos algunha posición máis de aquí ao final de liga...
