30 ANIVERSARIO

 

       Como Presidente da Asociación Cultural e Deportiva da Policía Local da Coruña, é unha honra para min, ser a persoa que a representa nun momento tan importante como é o seu 30 aniversario e darlle valor ao traballo realizado por todos vós, en canto, aos logros conseguidos no ámbito deportivo que, durante todos estes anos, leváronse a cabo fomentando o deporte en diversas actividades.

Así pois, é de xustiza lembrar a todas as persoas que, en novembro de 1994, fixeron posible a creación da asociación, primeiro co nome de Asociación Cultural e Deportiva Miguel Servet e máis tarde como, Asociación Cultural e Deportiva da Policía Local da Coruña. Por tanto, vaia o noso agradecemento para os compañeiros Javier Fontenla, Manolo Freire e Peter Quintas, principais percusores do proxecto, así como aos que lle deron continuidade ata chegar á miña persoa e ao grupo que represento, José Ángel López Rodríguez e Carlos Castro Rivas. A asociación iniciou a súa andaina cos equipos de Futbol 11 e Fútbol sala, cultivando unha infinidade de campionatos de liga e copa a nivel local e algún que outro torneo a nivel nacional (Ponferrada, Barcelona, Huelva etc.)/ etc.). Pero, sen dúbida, o éxito máis relevante e cunha gran repercusión social non chegou ata o ano 2009, cando nos proclamamos campións de Europa, no Campionato Internacional de Fútbol 7 para Policías de Cambrils. Ao longo de todo este tempo a Asociación non parou de crecer segundo as necesidades e inquietudes dos seus compoñentes, así, no ano 2009, créase a sección de baloncesto, conseguindo ata a data un campionato de liga e outro de copa. No ano 2015, creouse a sección de Ciclismo, unha actividade que desde os seus inicios incrementou o número de participantes de forma exponencial e que, nos últimos anos, está a achegar grandes resultados deportivos, e finalmente, no ano 2023, creouse a sección de Runnig. Actualmente contamos con 75 socios, o que representa, aproximadamente, o 25% do persoal da Policía Local. Por último, recoñecer o mérito dos socios e socias que conseguiron ser, ao longo destes anos, campións a nivel nacional e internacional en diferentes modalidades, grazas e parabéns, gocemos deste día. Moitas grazas pola vosa asistencia. SOMOS MOI BOS

XOGOS EUROPEOS POLICÍA E BOMBEIROS

Esta semana pasada celebrouse na cidade portuguesa de Braga a X edición dos Xogos Europeos de Policía e Bombeiros.

Os compañeiros Carol, Raúl, Óscar e Alex, asistiron ao acto en representación da Policía Local da Coruña, acadando uns resultados incribles: 

Nas probas de Ciclismo:

Carolina 2 Ouros (XCO e MTB Cronoescalada MTB) 

Alex Carreira 1 Prata (Cronoescalada Carretera)

Raúl  1 Ouro  (Tríatlon)

E finalmente en natación: 

Óscar conseguiu 2 Ouros (200 e 100 costas), 2 Pratas (200 estilos e 50 costas) e 1 Bronce (100 libres) 

Parabéns a todos por representarnos nun evento de tanta importancia e levar o nome da Cidade á cima do concurso.

Moitas Grazas 

 

 

 

CTO. ESPAÑA BTT POLICÍAS LOCAIS FINAL

A Policía Local da ACD da Coruña concluíu onte a súa participación na XXVI edición, que este ano se celebrou na fermosa cidade de Xerez de la Frontera. Gran competición a levada a cabo polos compoñentes desta asociación, destacando as medallistas, ouro e prata, na categoría Master 30 Feminino, onde as dúas representantes lograron facerse co campionato e o Subcampión, noraboa a Carolina e Alba, respectivamente. Acadando tamén a segunda e a cuarta posición na xeral feminina. 

A ACD tamén foi galardoada por ser a delegación con maior número de participantes. 

Parabéns a todos pola vosa entrega e compromiso, especialmente a Susana que conseguiu rematar a proba, a pesar das esixencias do circuito, con moito sacrificio e coraxe, Susana, es a nosa campioa!!! 

No lado negativo, Rubén Lista viuse obrigado a abandonar por un pinchazo, unha mágoa. 

Para rematar, quero dicir que foron catro días de convivencia, entre compañeiros, excepcionais, que nos fai, dende a dirección, sentirnos orgullosos de todos vós. O ano que ven máis, espéranos Molina do Segura, ánimo...

 A ACD Policía local da Coruña, para a realización desta actividade, Campionato de España de BTT para policías de Xerez, estivo, única e exclusivamente, subvencionada pola Deputación da Coruña.